Gropë n'rrugë

E nderuar Komunë e Prizrenit,

Po ju drejtohem për të shprehur shqetësimin tim lidhur me gjendjen e rrugës në lagjen e Ortakollit. Siç mund të shihet edhe në foton e bashkangjitur, në këtë zonë ka gropa të mëdha që prej një kohe të gjatë. Këto gropa e bëjnë jashtëzakonisht të vështirë kalimin, sidomos për këmbësorët dhe automjetet.

Situata përkeqësohet edhe më shumë pasi automjetet parkohen në anën e djathtë të rrugës, duke lënë vetëm anën e majtë për kalim, e cila është e dëmtuar dhe e pasigurt për t’u përdorur.

Ju lutem që të ndërmerrni masa sa më parë për të riparuar këtë problem, pasi po shkakton vështirësi për banorët e lagjes dhe përdoruesit e rrugës.

Faleminderit për mirëkuptimin dhe pres një reagim të shpejtë nga ana juaj.